കശ്മീരി പണ്ഡിറ്റിനെ ഭീകരര്‍ വെടിവച്ചുകൊന്നു

ശ്രീനഗര്‍: പുല്‍വാമയില്‍ കശ്മീരി പണ്ഡിറ്റിനെ ഭീകരര്‍ വെടിവച്ചുകൊന്നു. ബാങ്കിലെ സുരക്ഷാ ജീനക്കാരനായ സഞ്ജയ് ശര്‍മയാണ് കൊല്ലപ്പെട്ടത്. 40 വയസായിരുന്നു

രാവിലെ പ്രദേശത്തുള്ള ചന്തയിലേക്ക് പോകുന്നതിനിടെ ഭീകരര്‍ വെടിവയ്ക്കുകയായിരുന്നു. ഗുരുതരമായി പരിക്കേറ്റ ഇയാളെ അടുത്തുള്ള ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

യുവാവിന്റെ മരണത്തോടെ ഈ പ്രദേശത്ത് സുരക്ഷ വര്‍ധിപ്പിച്ചതായി പൊലീസ് പറഞ്ഞു. സംഭവത്തിൽ നാഷനൽ കോൺഫറൻസ് നേതാവ് ഒമർ അബ്ദുല്ല അനുശോചനം രേഖപ്പെടുത്തി. പ്രദേശത്ത് പരിശോധന ശക്തമാക്കിയെന്നും അക്രമികള്‍ക്കായി തിരച്ചിൽ തുടരുകയാണെന്നും ജമ്മു കശ്മീർ പൊലീസ് അറിയിച്ചു.

Top