കോട്ടയം: കോട്ടയം മെഡിക്കല് കോളേജില് ലോട്ടറി വില്പ്പനക്കാരി പൊന്നമ്മയെ തലയ്ക്കടിച്ച് കൊലപ്പെടുത്തിയ കേസില് പ്രതി അറസ്റ്റില്. പൊന്നമ്മയ്ക്കൊപ്പം ലോട്ടറി വിറ്റിരുന്ന സത്യനാണ് അറസ്റ്റിലായത്. പണവും സ്വര്ണ്ണവും കൈക്കലാക്കാനായിരുന്നു പൊന്നമ്മയെ കൊലപ്പെടുത്തിയതെന്ന് സത്യന് പൊലീസിനോട് പറഞ്ഞു.
മൂന്ന് ദിവസം മുന്പാണ് പൊന്നമ്മയുടെ മൃതദേഹം കോട്ടയം മെഡിക്കല് കോളേജ് ആശുപത്രി പരിസരത്ത് കത്തിക്കരിഞ്ഞ നിലയില് കണ്ടെത്തിയത്. പൊന്നമ്മയുടെ മകളാണ് മെഡിക്കല് കോളേജിലെത്തി മൃതദേഹം തിരിച്ചറിഞ്ഞത്. മൃതദേഹം ദ്രവിച്ച് പോയതിനാല് ചില ശാസ്ത്രീയ പരിശോധനകള് കൂടി നടത്തിയാണ് മരിച്ചത് പൊന്നമ്മയാണെന്ന് സ്ഥിരീകരിച്ചത്.
കല്ലോ ഭാരമേറിയ വസ്തുവോ മൂലം തലയ്ക്കടിയേറ്റാണ് പൊന്നമ്മ മരിച്ചതെന്ന് പോസ്റ്റ്മോര്ട്ടം റിപ്പോര്ട്ടില് തെളിഞ്ഞിരുന്നു. തലയോട്ടിക്ക് സാരമായി ക്ഷതമേറ്റിരുന്നു.
വര്ഷങ്ങളായി മെഡിക്കല് കോളേജ് പരിസരത്ത് ലോട്ടറി കച്ചവടം നടത്തി വരികയായിരുന്നു പൊന്നമ്മ. നാല്പ്പതിനായിരും രൂപയും പത്ത് പവനും പൊന്നമ്മയുടെ പക്കലുണ്ടായിരുന്നെന്ന് മകള് പൊലീസിന് മൊഴി നല്കിയിരുന്നു.