ഒസ്ലോ: നോര്വേയില് അഞ്ചു പേരെ അമ്പെയ്ത് കൊലപ്പെടുത്തി. പൊലീസുകാരന് ഉള്പ്പെടെ രണ്ടു പേര്ക്ക് പരുക്ക്. 37കാരനായ ഡാനിഷ് പൗരനെ പൊലീസ് അറസ്റ്റു ചെയ്തെന്നാണ് വിവരം.
കോങ്സ്ബെര്ഗ് നഗരത്തിന്റെ പല ഭാഗങ്ങളിലായി നടന്ന ആക്രമണത്തിന്റെ ഉദ്ദേശ്യം എന്താണെന്ന് വ്യക്തമായിട്ടില്ല. ഭീകരവാദ സാധ്യതകള് തള്ളിക്കളയാനാകില്ലെന്ന് പൊലീസ് അറിയിച്ചു.
ഒരു കയ്യില് അമ്പും ചുമലില് തൂക്കിയിട്ട ആവനാഴിയില് നിറയെ വില്ലുമായാണ് അയാള് എത്തിയത്. പെട്ടെന്ന് ആളുകള് ജീവനുംകൊണ്ട് ഓടുന്നതാണു കണ്ടത്. അതില് കുഞ്ഞുമായി ഓടുന്ന അമ്മയും ഉണ്ടായിരുന്നെന്ന് ദൃക്സാക്ഷികളില് ഒരാള് പറഞ്ഞു.
രാജ്യത്തെ നടുക്കിയ സംഭവമാണ് നടന്നതെന്ന് പ്രധാനമന്ത്രി എര്ണ സോല്ബര്ഗ് അറിയിച്ചു. പ്രശ്നങ്ങള് മാറുംവരെ എല്ലാവരും വീടുകളില് തുടരണമെന്നു സര്ക്കാര് അറിയിച്ചു.