മലേഷ്യ ഓപ്പണ്‍ ബാഡ്മിന്റൺ രണ്ടാം റൗണ്ടിൽ മലയാളിതാരം എച്ച് എസ് പ്രണോയി, പി കശ്യപ്, പി വി സിന്ധു എന്നിവർ ഇന്നിറങ്ങും. പ്രണോയ് തയ്‌വാന്‍ താരം ചൗ ടിയെന്‍ ചെന്നിനെയും സിന്ധു തായ്‌ലന്‍ഡ് താരം ഫിതായോണ്‍ ചായ്‌വാനെയുമാണ് ഈ ഘട്ടത്തിൽ നേരിടുന്നത്. കശ്യപ് തായ്‌ലന്‍ഡ് താരം കുന്‍ലാവുറ്റ് വിറ്റിഡ്‌സാണിനേയും നേരിടും. ഡബിള്‍സില്‍ ചിരാഗ് ഷെട്ടി- സാത്വിക്‌സായ്രാജ് സഖ്യത്തിനും ഇന്ന് മത്സരമുണ്ട്.
സിന്ധു ആദ്യ റൗണ്ടില്‍ തായ് ലാന്‍ഡ് താരം പോണ്‍പാവീ ചോചുവോംഗിനെ തോല്‍പിച്ചാണ് രണ്ടാം റൗണ്ടിൽ എത്തിയത്. നേരിട്ടുള്ള ഗെയിമുകള്‍ക്കായിരുന്നു സിന്ധുവിന്റെ ജയം. 21-13, 21-17 എന്നിങ്ങനെയായിരുന്നു സ്കോർ. അതേസമയം സൈന നെഹ്‌വാള്‍ ആദ്യ റൗണ്ടില്‍ തോറ്റ് പുറത്തായി. അമേരിക്കന്‍ താരം ഐറിസ് വാംഗ് ആണ് സൈനയെ തോല്‍പിച്ചത്. സ്‌കോര്‍ 21-11, 21-17. അതേസമയം പി കശ്യപ് തെക്കന്‍ കൊറിയയുടെ ഹിയോ ക്വാംഗ് ഹീയെ നേരിട്ടുള്ള ഗെയിമിൽ (21-12, 21-17) തോൽപ്പിച്ചാണ് രണ്ടാം റൗണ്ടിലേക്ക് കടന്നത്.
