മലപ്പുറം: സംസ്ഥാനത്ത് കൊവിഡ് ബാധിച്ച് ഒരു മരണം കൂടി. മഞ്ചേരി മെഡിക്കല് കോളജ് ആശുപത്രിയില് ചികിത്സയിലായിരുന്ന മലപ്പുറം കീഴാറ്റൂര് സ്വദേശിയായ 85കാരനാണ് മരിച്ചത്. ഏറെക്കാലമായി ഹൃദയസംബന്ധമായ അസുഖങ്ങള് ഉണ്ടായിരുന്നു മരിച്ച വ്യക്തിക്കെന്ന് ബന്ധുക്കള് പറയുന്നു. മഞ്ചേരി മെഡിക്കല് കോളജ് ആശുപത്രിയില് ചികിത്സയിലായിരുന്ന ഇദ്ദേഹത്തിന്റെ ആരോഗ്യനില ഏറെക്കുറെ സാധാരണ നിലയിലേക്ക് മടങ്ങുന്നതിനിടെയാണ് മരണം സംഭവിച്ചത്.