മുംബൈ ആസ്ഥാനമായി പ്രവർത്തിക്കുന്ന ഇന്ത്യയിലെ പ്രമുഖ ആഭ്യന്തര എസ്‍യുവി നിർമ്മാതാക്കളായ മഹീന്ദ്ര 2022 ഓഗസ്റ്റ് 15-ന് അഞ്ച് പുതിയ ‘ബോണ്‍ ഇലക്ട്രിക്’ എസ്‌യുവികൾ വെളിപ്പെടുത്തും എന്നാണ് പുതിയ റിപ്പോര്‍ട്ടുകള്‍. ഈ ഇലക്‌ട്രിഫൈഡ് മോഡലുകളെ കമ്പനി ഒരു പുതിയ ടീസർ വീഡിയോയിൽ പ്രദർശിപ്പിച്ചു. അവയുടെ സൈഡ് പ്രൊഫൈലും സിലൗറ്റും ഈ വീഡിയോകള്‍ എടുത്തുകാണിക്കുന്നു. അഞ്ച് മോഡലുകളിൽ നാലെണ്ണം കൂപ്പെ പോലുള്ള ഡിസൈൻ അവതരിപ്പിക്കാൻ സാധ്യതയുണ്ട്.
യുണൈറ്റഡ് കിംഗ്ഡത്തിലെ ഓക്സ്ഫോർഡ്ഷയറിലെ മഹീന്ദ്ര അഡ്വാൻസ്ഡ് ഡിസൈൻ യൂറോപ്പ് (മെയ്ഡ്) സ്റ്റുഡിയോയിൽ ഇലക്ട്രിക് വാഹനങ്ങളുടെ ഈ കൺസെപ്റ്റ് പതിപ്പുകൾ കമ്പനി പ്രദർശിപ്പിക്കും. കമ്പനിയുടെ ചീഫ് ഡിസൈനർ പ്രതാപ് ബോസിന്റെ നേതൃത്വത്തിലാണ് പ്രദർശനമുണ്ടാകുക. മഹീന്ദ്രയുടെ ‘ബോണ്‍ ഇലക്ട്രിക്’ ടാഗ്‌ലൈൻ സൂചിപ്പിക്കുന്നത്, ഈ എസ്‌യുവികളെല്ലാം അടിസ്ഥാനപരമായും സമർപ്പിത ഇലക്ട്രിക് വാഹന പ്ലാറ്റ്‌ഫോമിലും ഇവികളായി വികസിപ്പിച്ചെടുത്തിട്ടുണ്ട് എന്നാണ്. മഹീന്ദ്രയുടെ മുഖ്യ എതിരാളിയായ ടാറ്റ മോട്ടോഴ്‌സ്, ഒരു സമർപ്പിത ഇലക്ട്രിക്ക് വാഹന പ്ലാറ്റ്‌ഫോമിനെ അടിസ്ഥാനമാക്കിയുള്ള കര്‍വ്വ് , അവിന്യ എന്നിവയുടെ കൺസെപ്റ്റ് പതിപ്പുകൾ ഇതിനകം വെളിപ്പെടുത്തിയിട്ടുണ്ട്.
