എസ്‌യുവി ശ്രേണിയില്‍ പുത്തന്‍ മോഡലുമായ് മഹീന്ദ്ര എത്തുന്നു. കോംപാക്ട് എസ്‌യുവി ശ്രേണിയിലാണ് മഹീന്ദ്ര പുതിയ മോഡല്‍ അവതരിപ്പിക്കുന്നത്. വാഹനത്തിന്റെ പേരെന്താണെന്ന് കമ്പനി ഇതുവരെ വെളിപ്പെടുത്തിയിട്ടില്ല.
ഡിസംബര്‍ 19ന് പേര് പ്രഖ്യാപിക്കുമെന്നാണ് സൂചന. എസ്201 എന്ന കോഡ് നമ്പറിലെത്തിയ ഈ വാഹനം എസ്‌യുവി 300 ആണെന്നാണ് നിഗമനം. മരാസോയില്‍ നല്‍കിയിരിക്കുന്ന 1.5 ലിറ്റര്‍ ഡീസല്‍ തന്നെയാണ് എസ് 201നും കരുത്ത് പകരുന്നത്. പെട്രോള്‍ എന്‍ജിനിലും എത്തുന്നുണ്ടെങ്കിലും അത് സംബന്ധിച്ച വിവരങ്ങള്‍ പുറത്തുവന്നിട്ടില്ല. ഇപ്പോള്‍ അഞ്ച് സീറ്റില്‍ അവതരിപ്പിക്കുന്ന ഈ മോഡല്‍ ഭാവിയില്‍ ഏഴ് സീറ്റിലും പ്രതിക്ഷിക്കാം.
എസ്201ന്റെ വില സംബന്ധിച്ച വിവരങ്ങളും കമ്പനി പുറത്തുവിട്ടിട്ടില്ല. എല്‍ഇഡി ലൈറ്റുകള്‍, ഇലക്ട്രിക് സണ്‍റൂഫ്, ഇലക്ട്രിക്കല്‍ അഡ്ജസ്റ്റ് ഡ്രൈവര്‍ സീറ്റ്, ലതര്‍ ഫിനീഷിങ് ഡാഷ്‌ബോര്‍ഡ്, അത്യാധുനിക ഇന്‍ഫോടെയ്ന്‍മെന്റ് സിസ്റ്റം എന്നിവ വാഹനത്തിനെ സമ്പന്നമാക്കും.
