മഹീന്ദ്ര മോജോയുടെ വില വര്‍ധിപ്പിച്ചു. ഡല്‍ഹി ഷോറൂം നിരക്ക് പ്രകാരം 1.63 ലക്ഷം രൂപയാണ് ഈ ബൈക്കിന് ഇപ്പോള്‍ വില. അയ്യായിരത്തിലധികം രൂപയുടെ വര്‍ധന വിവിധ നഗരങ്ങളില്‍ വന്നിട്ടുണ്ട്. ആകെ നാലു നഗരങ്ങളില്‍ മാത്രമേ ഈ ബൈക്ക് ഇപ്പോള്‍ വില്‍ക്കുന്നുള്ളൂ. ബംഗളുരു, ഡല്‍ഹി, മുംബൈ, പൂനെ എന്നിവിടങ്ങളിലാണ് ബൈക്കിന് വില്‍പനയുള്ളത്.
295സിസി ശേഷിയുള്ള ലിക്വിഡ് കൂള്‍ഡ് എന്‍ജിനാണ് വാഹനത്തില്‍ ഘടിപ്പിച്ചിരിക്കുന്നത്. ഈ സിംഗിള്‍ സിലിണ്ടര്‍ എന്‍ജിന്‍ 27 കുതിരശക്തി ഉല്‍പാദിപ്പിക്കുന്നു. 30 എന്‍എം ആണ് ടോര്‍ക്ക്. 6 സ്പീഡ് ഗിയര്‍ബോക്‌സ് ചേര്‍ത്തിരിക്കുന്നു വാഹനത്തില്‍. ട്വിന്‍ എക്‌സോസ്റ്റ് പൈപ്പുകളും എല്‍ഇഡി ടെയ്ല്‍ ലാമ്പിനെ പേറുന്ന റിയര്‍ ഫെന്‍ഡറുകളുമെല്ലാം മികച്ച രീതിയില്‍ ഡിസൈന്‍ ചെയ്യപ്പെട്ടിരിക്കുന്നു.
17 ഇഞ്ച് പിരെല്ലി റോസ്സോ ടയറുകളാണ് മോജോയിലുള്ളത്. ഉയര്‍ന്ന വേഗതയില്‍ വാഹനത്തിന് നല്ല സ്ഥിരത പ്രകടിപ്പിക്കുന്നുണ്ട് മോജോ.
