ന്യൂഡൽഹി : മധ്യപ്രദേശ് നിയമസഭ തിരഞ്ഞെടുപ്പിനുള്ള ബിജെപിയുടെ രണ്ടാം സ്ഥാനാർഥിപ്പട്ടിക പുറത്ത്. കേന്ദ്രമന്ത്രിമാരായ നരേന്ദ്രസിങ് തോമർ, പ്രഹ്ലാദ് സിങ് പട്ടേൽ, ഫഗാൻ സിങ് കുലസ്തേ എന്നിവരെയും ഉൾപ്പെടുത്തി. രാകേഷ് സിങ്, ഗണേഷ് സിങ്, റിതിപഠക്, ഉദയ് പ്രതാപ് സിങ് തുടങ്ങിയ എംപിമാരും പട്ടികയിലുണ്ട്. ബിജെപിയുടെ ദേശീയ ജനറൽ സെക്രട്ടറി കൈലാഷ് വിജയ്‌വർഗീയ ഇൻഡോർ–1 നിയമസഭാ മണ്ഡലത്തിൽ മത്സരിക്കും.
രണ്ടാം പട്ടികയോടെ ബിജെപി 230 അംഗ നിയമസഭയിലെ 78 സീറ്റുകളിലെ സ്ഥാനാർഥികളെയാണു പ്രഖ്യാപിച്ചത്. 2018 ലെ തിരഞ്ഞെടുപ്പിൽ കോൺഗ്രസിന് 114 സീറ്റും ബിജെപിക്കും 109 സീറ്റുമാണു ലഭിച്ചതെങ്കിലും ജ്യോതിരാദിത്യ സിന്ധ്യയും കൂട്ടരും പാർട്ടി വിട്ടതോടെ ബിജെപിക്കു ഭരണം പിടിക്കാനായി.
