നടന് ചിമ്പുവിന്റെ 45ാമത്തെ സിനിമയായ മാനാട് ട്രെയിലര് റിലീസ് ചെയ്തു. വി ഹൗസ് പ്രൊഡക്ഷന്സിന്റെ ബാനറില് സുരേഷ് കാമാച്ചി നിര്മിക്കുന്ന ചിത്രം വെങ്കട്ട് പ്രഭു സംവിധാനം ചെയ്യുന്നു.
അബ്ദുല് ഖാലിക്ക് എന്ന യുവാവായി ചിമ്പു എത്തുന്നു. കല്യാണി പ്രിയദര്ശനാണ് നായിക. ടൈം ട്രാവല് വിഷയമായ ചിത്രം ഫാന്റസി ത്രില്ലറാണ്. ടൈം ലൂപ്പ് ആണ് ചിത്രത്തില് പ്രതിപാദിക്കുന്നത്.
യുവന് ശങ്കര് രാജ സംഗീതം നല്കിയ ഈ ചിത്രത്തില് ചിമ്പുവിനെ കൂടാതെ എസ്.എ. ചന്ദ്രശേഖര്, എസ്.ജെ. സൂര്യ, കരുണാകരന്, ഭാരതിരാജ, അരവിന്ദ് ആകാശ്, മനോജ് ഭാരതിരാജ, പ്രേംജി അമരന്, ഉദയ, ഡാനിയല് ആനി പോപ്പ്, രവികാന്ത് എന്നിവരും അഭിനയിക്കുന്നുണ്ട്. നവംബര് നാലിന് ചിത്രം തിയറ്ററുകളിലെത്തും.