മനാമ: ബഹ്റൈനില് കൊവിഡ് ബാധിതരുടെ എണ്ണം വീണ്ടും കുറയുന്നു. 59 പേര്ക്കാണ് വ്യാഴാഴ്ച കൊവിഡ് സ്ഥിരീകരിച്ചത്. കഴിഞ്ഞ ദിവസം 71 പേര് കൂടി രോഗമുക്തരായി.
അതേസമയം പുതിയതായി കൊവിഡ് രോഗം സ്ഥിരീകരിച്ചവരില് 17 പേര് പ്രവാസി തൊഴിലാളികളാണ്. ആകെ 276,395 പേര്ക്കാണ് ബഹ്റൈനില് കൊവിഡ് സ്ഥിരീകരിച്ചിട്ടുള്ളത്. ഇതില് 274,354 പേര് സുഖം പ്രാപിച്ചു .
ആകെ 6,763,961 കൊവിഡ് പരിശോധനകളാണ് രാജ്യത്ത് ഇതുവരെ നടത്തിയിട്ടുള്ളത്. നിലവില് 649 കൊവിഡ് രോഗികളാണ് രാജ്യത്തുള്ളത്. ഇതില് അഞ്ചു പേര് ചികിത്സയിലാണ്. മൂന്നുപേരുടെ നില ഗുരുതരമായതിനാല് തീവ്രപരിചരണ വിഭാഗത്തില് ചികിത്സയിലാണ്.