തിരുവനന്തപുരം: ഫേസ്ബുക്ക് കൂട്ടായ്മയായ ജിഎന്പിസി (ഗ്ലാസിലെ നുരയും പ്ലേറ്റിലെ കറിയും) ഗ്രൂപ്പ് അഡ്മിന് ടി.എല്. അജിത്കുമാറിനെതിരെ ലുക്കൗട്ട് നോട്ടിസ് പുറപ്പെടുവിക്കാന് തീരുമാനം.
(ജിഎന്പിസി) ഗ്രൂപ്പിലെ പ്രവര്ത്തനങ്ങളുടെ പേരില് നേമം പൊലീസ് റജിസ്റ്റര് ചെയ്ത കേസിലാണ് നടപടി.
പ്രതി വിദേശത്തേക്കു കടക്കാന് സാധ്യതയുണ്ടെന്ന വിലയിരുത്തലിലാണ് പൊലീസ് നോട്ടിസ് പുറപ്പെടുവിച്ചത്.
നേരത്തെ, പോലീസും എക്സൈസും എമിഗ്രേഷന് വിഭാഗത്തില്നിന്നും വിവരങ്ങള് ശേഖരിച്ചിരുന്നു.
ഗ്രൂപ്പ് അഡ്മിന്മാര്ക്ക് മദ്യക്കമ്പനികളുമായി ബന്ധമുള്ളതായും സൂചനകളുണ്ട്. അഡ്മിന്മാരുടെ വീട്ടിലും ചില ബാറുകളിലും നടത്തിയ റെയ്ഡില് ഇതുമായി ബന്ധപ്പെട്ട രേഖകള് എക്സൈസ് അധികൃതര്ക്ക് ലഭിച്ചു. ചില കമ്പനികളുടെ മദ്യം പ്രോത്സാഹിപ്പിക്കാന് ഗ്രൂപ്പിലൂടെ ശ്രമം നടന്നത് ഇതിന്റെ ഭാഗമാണെന്ന് വിവരം.
ജിഎന്പിസി ഫെയ്സ്ബുക്ക് കൂട്ടായ്മയിലൂടെ ചില കമ്പനികളുടെ മദ്യം പ്രോത്സാഹിപ്പിക്കാന് അഡ്മിന് വിഭാഗം ശ്രമം നടത്തിയെന്നാണ് പൊലീസും എക്സൈസ് വകുപ്പും സംശയിക്കുന്നത്. ഇതിനായി മദ്യക്കമ്പനികളില് നിന്ന് ഇവര്ക്ക് പണം ലഭിച്ചിട്ടുണ്ടോ എന്നറിയാന് അഡ്മിന്മാരുടെ ബാങ്ക് അക്കൗണ്ട് അന്വേഷണസംഘം പരിശോധിക്കും. മതസ്പര്ധയുണ്ടാക്കുന്നതും കുട്ടികളെ അവഹേളിക്കുന്നതുമായ പോസ്റ്റിട്ടവരുടെ യുആര്എല് വിലാസം ലഭിക്കുന്നതിന് പൊലീസ് ഫെയ്സ്ബുക്ക് അധികൃതര്ക്ക് കത്തയച്ചുവെങ്കിലും ഇതിന് സാങ്കേതിക തടസങ്ങള് നിരവിധിയുണ്ട്.