ലണ്ടനിൽ രണ്ടാം ലോക മഹായുദ്ധത്തി​ലെ ബോംബ്​ കണ്ടെത്തി ; സിറ്റി വിമാനത്താവളം അടച്ചു

London city airport

ലണ്ടൻ: രണ്ടാം ലോക മഹായുദ്ധത്തി​ൽ ഉപയോഗിച്ച ബോംബ്​ കണ്ടെത്തിയതിനെ തുടർന്ന് ലണ്ടൻ സിറ്റി വിമാനത്താവളം അടച്ചു. വിമാനത്താവളത്തിനു സമീപത്തുള്ള തെംസ്​ നദിയിൽ നിന്നാണ്​ ബോംബ്​ കണ്ടെത്തിയത്​.

വിമാനത്താവളത്തിന്റെ റൺവേയുടെ സമീപത്തു നിന്നാണ് ബോംബ് കണ്ടെത്തിയത്. വിമാനത്താവളത്തി​ന്റെ 214 മീറ്റർ ചുറ്റളവിൽ പ്രവേശനം നിഷേധിച്ചിട്ടുണ്ടെന്നും, നിലവിൽ വിമാനത്താവളം അടച്ചിട്ടിരിക്കുകയാണെന്നും അധികൃതർ അറിയിച്ചു.

സിറ്റി വിമാനത്താവളത്തിൽ ആഭ്യന്തര സർവ്വീസുകളാണ് നടത്തുന്നത്. ലണ്ടൻ സിറ്റിയിൽ നിന്ന്​ ഇന്ന്​ യാത്ര പുറപ്പെടേണ്ടിയിരുന്ന യാത്രക്കാർ കൂടുതൽ വിവരങ്ങൾക്ക് വിമാനക്കമ്പനികളെ ബന്ധപ്പെടണമെന്നും അധികൃതർ മുന്നറിയിപ്പ് നൽകി.

ഞായറാഴ്​ചയാണ് ബോംബ്​ കണ്ടെത്തിയത്​. ഇത്തരത്തിൽ പൊട്ടാതെ കിടക്കുന്ന ബോബുകൾ നിർവീര്യമാക്കുന്നതിനുള്ള വിദഗ്​ധരായ പൊലീസ്​ ഉദ്യോഗസ്​ഥർ ബോംബ്​ പരിശോധിക്കുകയാണ് ഇപ്പോൾ.

Top