തിരുവനന്തപുരം: ലോകായുക്ത ഭേദഗതി ഓര്ഡിനന്സിനെ ന്യായീകരിച്ച സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനെതിരെ രമേശ് ചെന്നിത്തല. സര്ക്കാര് വീഴുമെന്ന് കോടിയേരി തന്നെ സമ്മതിച്ചെന്ന് ചെന്നിത്തല പറഞ്ഞു.
മുഖ്യമന്ത്രി പിണറായി വിജയനും മന്ത്രി ആര്.ബിന്ദുവിനും എതിരെയുള്ള ഹര്ജികളിലെ വിധിയെ ഭയന്നാണ് നിയമ ഭേദഗതിക്കുള്ള തിരക്കിട്ട നീക്കം. മുഖ്യമന്ത്രിക്കെതിരെ വിധി വരുമെന്ന് ഉറപ്പാണ്. അതു ഭയന്നാണ് നിയമ സഭ കൂടുന്നതിന് പോലും കാത്തുനില്ക്കാതെ ഭേദഗതി ഓര്ഡിനന്സ് നീക്കമെന്നും ചെന്നിത്തല പറഞ്ഞു.
അപ്പീലില്ലാത്തതിനാല് ഇപ്പോഴത്തെ നിയമമനുസരിച്ച് ലോകായുക്ത തീരുമാനിച്ചാല് ഒരു സര്ക്കാരിനെ തന്നെ ഇല്ലാതാക്കാന് കഴിയുമെന്ന് കോടിയേരി ഇന്നലെ പ്രതികരിച്ചിരുന്നു. ഇതിന് പിന്നാലെയാണ് ചെന്നിത്തലയുടെ പ്രതികരണം.