തിരുവനന്തപുരം: ലോക്സഭയില് മുത്തലാഖ് ബില്ല് സംബന്ധിച്ച് ചര്ച്ച നടന്നപ്പോള് മുസ്ലീം ലീഗ് നേതാവായ കുഞ്ഞാലിക്കുട്ടി പാര്ലമെന്റില് ഇല്ലാതിരുന്നത് ചര്ച്ചയാകുന്നു.
സുഹൃത്തിന്റെ മകന്റെ വിവാഹത്തില് പങ്കെടുക്കണമെന്ന കാരണത്താലാണ് കുഞ്ഞാലിക്കുട്ടി ചര്ച്ചയില് പങ്കെടുക്കാത്തത് എന്നാണ് വിശദീകരണം. എന്നാല് ദിവസങ്ങള്ക്ക് മുന്പ് തീരുമാനിച്ചതാണ് പാര്ലമെന്റിലെ മുത്തലാഖ് ചര്ച്ചയെന്നും ഇത്രയും പ്രധാനപ്പെട്ട ചര്ച്ചയും വോട്ടെടുപ്പും നടക്കുമ്പോള് കുഞ്ഞാലിക്കുട്ടി അവിടെ വേണമായിരുന്നെന്നും ചൂണ്ടിക്കാട്ടിയാണ് വിമര്ശനം.
കഴിഞ്ഞ ദിവസമാണ് മുത്തലാഖ് ബില്ല് ലോക്സഭയില് പാസായത്. ഏറെ തര്ക്കങ്ങള്ക്കും വിവാദങ്ങള്ക്കും ഒടുവില് രണ്ടാം തവണയും ബില് ലോക്സഭയില് പാസാക്കുകയായിരുന്നു.