തിരുവനന്തപുരം: ലോക്സഭ തെരഞ്ഞെടുപ്പില് വയനാട്ടില് നിന്ന് രാഹുല് ഗാന്ധി മത്സരിക്കുന്നതില് നിലപാട് കടുപ്പിച്ച് സിപിഎം. മതേതര ബദലിന്റെ നേതൃത്വം കോണ്ഗ്രസിന് നല്കുന്നത് പുന:പരിശോധിക്കുമെന്നാണ് സിപിഎം പറഞ്ഞിരിക്കുന്നത്.
കോണ്ഗ്രസിനെ ഒഴിവാക്കിയുള്ള മതേതര ബദല് ആലോചിക്കും. രാഹുല് ഗാന്ധിയെ വയനാട്ടില് മത്സരിപ്പിക്കുന്നത് കോണ്ഗ്രസ് ബിജെപിയ്ക്കായി കളം ഒഴിയുന്നതിന്റെ സൂചനയാണ്. ബിജെപിയെ എതിര്ക്കാനാണെങ്കില് രാഹുല് തിരുവനന്തപുരത്ത് മത്സരിക്കട്ടെ, സിപിഎം വിശദമാക്കി.
അതേസമയം, വയനാട്ടില് കോണ്ഗ്രസ് അധ്യക്ഷന് രാഹുല് ഗാന്ധിയുടെ സ്ഥാാനാര്ത്ഥിത്വം സംബന്ധിച്ച് അന്തിമ തീരുമാനം ഇന്ന് ഉണ്ടാകുമെന്നാണ് എഐസിസി ജനറല് സെക്രട്ടറി ഉമ്മന് ചാണ്ടി പറഞ്ഞത്. ഹൈക്കമാന്ഡ് അനുകൂല നിലപാട് സ്വീകരിക്കുമെന്നാണ് പ്രതീക്ഷിക്കുന്നതെന്നും ഉമ്മന് ചാണ്ടി വ്യക്തമാക്കിയിരുന്നു.