തിരുവനന്തപുരം: തദ്ദേശ തെരഞ്ഞെടുപ്പില് ഒന്നാംഘട്ട വോട്ടെടുപ്പിന്റെ ആദ്യ മണിക്കൂറില് മികച്ച പോളിങ്. ഉച്ചയ്ക്ക് 12 മണി വരെ 41 ശതമാനത്തോളം പേര് വോട്ട് രേഖപ്പെടുത്തി. അഞ്ച് ജില്ലകളിലും വോട്ടര്മാരുടെ ഭാഗത്തു നിന്ന് മികച്ച പ്രതികരണമാണ് ഉണ്ടാകുന്നത്. മിക്ക ബൂത്തുകളിലും വോട്ടര്മാരുടെ നീണ്ടനിര ദൃശ്യമാണ്. എന്നാല് ചിലയിടങ്ങളില് യന്ത്രത്തകരാര് മൂലം വോട്ടിങ് തടസ്സപ്പെട്ടു.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിലെ 395 തദ്ദേശ സ്ഥാപനങ്ങളിലായി 6911 വാര്ഡുകളിലേക്കാണ് ഒന്നാം ഘട്ടത്തില് തിരഞ്ഞെടുപ്പ് നടക്കുന്നത്. 88,26,873 വോട്ടര്മാര് വിധിയെഴുതും.