മലപ്പുറം: ആലത്തൂരിലെ യു.ഡി.എഫ് സ്ഥാനാര്ഥി രമ്യ ഹരിദാസിനെ അധിക്ഷേപിച്ച് എല്.ഡി.എഫ് കണ്വീനര് എ വിജയരാഘവന്. സ്ഥാനാര്ത്ഥിയായ രമ്യ കുഞ്ഞാലിക്കുട്ടിയെ കാണാന് പോയി എന്നും ഇനി ആ കുട്ടിയുടെ കാര്യം എന്താവുമെന്ന് ഞാന് പറയേണ്ടതില്ലല്ലോ എന്നുമായിരുന്നു എ വിജയരാഘവന്റെ പരാമര്ശം.
പൊന്നാനിയില് പിവി അന്വറിന്റെ തെരഞ്ഞെടുപ്പ് കണ്വന്ഷനില് പങ്കെടുത്തു സംസാരിക്കുന്നതിനിടെയാണ് വിജയരാഘവന് യുഡിഎഫിന്റെ വനിതാ സ്ഥാനാര്ഥിക്കെതിരെ അപകീര്ത്തികരമായ പരാമര്ശം നടത്തിയത്.
മണ്ഡലത്തില് ഇതിനകം തന്നെ വലിയ മുന്നേറ്റം പ്രചരണരംഗത്ത് കാഴ്ചവയ്ക്കുകയും എല്ഡിഎഫ് സ്ഥാനാര്ത്ഥി പികെ ബിജുവിനെ തോല്പിക്കുന്ന തരത്തില് രമ്യ ഹരിദാസ് മുന്നേറുന്നുവെന്നും റിപ്പോര്ട്ടുകള് വരുന്നതിനിടെയാണ് എല്ഡിഎഫ് കണ്വീനറുടെ ഭാഗത്തുനിന്നും മോശം പരാമര്ശം എത്തുന്നത്.
വിജയ രാഘവനെതിരെ സ്ത്രീത്വത്തെ അപമാനിച്ചതിന് കേസെടുക്കണമെന്ന് മഹിളാ കോണ്ഗ്രസ് ആവശ്യപ്പെട്ടു. വിജയരാഘവന്റെ വിവാദ പ്രസംഗത്തിന്റെ വീഡിയോയും ഇപ്പോള് സോഷ്യല് മീഡിയയില് വൈറലായിട്ടുണ്ട്.