ഏറ്റുമാനൂർ: ഏറ്റുമാനൂരിൽ സ്വതന്ത്ര സ്ഥാനാർഥിയായി മത്സരിക്കാൻ ലതിക സുഭാഷ് തീരുമാനിച്ചു. കോട്ടയത്ത് അനുയായികളുമായി ചേർന്ന യോഗത്തിലാണ് തീരുമാനം.പാര്ട്ടിയില് മഹിളാ കോൺഗ്രസിന് വേണ്ട വിധത്തിൽ പരിഗണന ലഭിക്കേണ്ടതുണ്ടെന്ന് ലതിക സുഭാഷ് പറഞ്ഞു. കോൺഗ്രസിൽ അല്ലാതെ മറ്റൊരു രാഷ്ട്രീയ പ്രസ്ഥാനത്തിലും പോകില്ലെന്നും ലതികാ സുഭാഷ് വ്യക്തമാക്കി.
കൈപ്പത്തി ചിഹ്നത്തിന് വോട്ട് ചെയ്യാൻ ആഗ്രഹിക്കുന്നുണ്ട് ഏറ്റുമാനൂരിലെ ജനങ്ങൾ. കേരള കോൺഗ്രസിന്റെ
കൈവശമുള്ള ഏറ്റുമാനൂര്, കോണ്ഗ്രസ് ഏറ്റെടുക്കുമെന്നായിരുന്നു ഏവരും പ്രതീക്ഷിച്ചത്. എന്നാല് അതുണ്ടായില്ല. കേരള കോണ്ഗ്രസില് നിന്ന് ഏറ്റുമാനൂർ കോൺഗ്രസ് പിടിച്ചെടുക്കുമെന്നും ലതിക സുഭാഷ് യോഗത്തിൽ പറഞ്ഞു.
സ്ത്രീകൾക്ക് അംഗീകാരം ലഭിക്കാൻ വേണ്ടിയാണ് പാർട്ടിയിൽ നിന്ന് രാജി വെച്ചതെന്നും ലതിക സുഭാഷ് പറഞ്ഞു.