തിരുവനന്തപുരം: വിഴിഞ്ഞത്തിനു സമീപം വെങ്ങാനൂരിൽ യുവതി തീകൊളുത്തി മരിച്ചതായി റിപ്പോര്‍ട്ട്. വാടക വീട്ടിൽ കഴിഞ്ഞിരുന്ന വെങ്ങാനൂര്‍ സ്വദേശി അര്‍ച്ചന (24) ആണ് മരിച്ചതെന്നാണ് റിപ്പോര്‍ട്ട്. സംഭവത്തിനു പിന്നാലെ അര്‍ച്ചനയുടെ ഭര്‍ത്താവ് ഓടിരക്ഷപെടാൻ ശ്രമിച്ചെങ്കിലും പൊലീസ് പിടികൂടി.
നിലവിൽ വിഴിഞ്ഞം പൊലീസിൻ്റെ കസ്റ്റ‍ഡിയിലുള്ള ഭര്‍ത്താവ് സുരേഷിനെ ചോദ്യം ചെയ്യുകായണെന്നാണ് റിപ്പോര്‍ട്ടുകള്‍. അര്‍ച്ചനയും സുരേഷും തമ്മിൽ പ്രശ്നങ്ങളുണ്ടായിരുന്നതായി പൊലീസിനു വിവരം ലഭിച്ചിട്ടുണ്ട്. ഒരു വര്‍ഷം മുൻപായിരുന്നു ഇരുവരുടെയും വിവാഹം കഴിഞ്ഞത്.
