കുവൈറ്റ് സിറ്റി: രാജ്യത്ത് സ്വകാര്യ മേഖലയില് സ്വദേശിവത്കരണം ശക്തമാക്കാന് ഒരുങ്ങി കുവൈറ്റ്. അഞ്ച് വര്ഷത്തിനുള്ളില് യുവാക്കള്ക്ക് ആവശ്യമായ തൊഴില് പരിജ്ഞാനം നല്കി സ്വദേശിവത്ക്കരണം നടപ്പിലാക്കുകയാണ് ലക്ഷ്യം.
സ്വകാര്യ മേഖലയില് അഞ്ച് വര്ഷത്തിനുള്ളില് 1.6 ലക്ഷം തസ്തികകളില് സ്വദേശിവത്ക്കരണം നടപ്പിലാക്കാനാണ് സര്ക്കാര് തീരുമാനം. ഇതോടെ അഞ്ച് വര്ഷത്തിനുള്ളില് 1.6 ലക്ഷം വിദേശികള്ക്ക് തൊഴില് നഷ്ടമാകും.
സ്വകാര്യ മേഖലയില് ജോലി ചെയ്യുന്നതിന് സ്വദേശി യുവാക്കള് പൊതുവെ താല്പര്യം കാണിക്കാറില്ല. സ്വദേശി യുവാക്കളെ സ്വകാര്യ മേഖലകളിലേയ്ക്ക് ആകര്ഷിക്കുന്നതിനായി തൊഴില് നിയമ ഭേദഗതി സര്ക്കാര് പരിഗണനയില് ഉണ്ടെന്ന് പ്രാദേശിക പത്രം റിപ്പോര്ട്ട് ചെയ്തു.വിദ്യാഭ്യാസ, ആരോഗ്യ മേഖലകളിലൊഴികെ സ്വദേശിവത്ക്കരണ തോത് വേഗത്തില് ഉയര്ത്തുകയാണ് സര്ക്കാറിന്റെ ലക്ഷ്യം.
കുവൈത്തില് സ്വദേശിവത്ക്കരണം ശക്തിപ്പെടുത്തിയാല് ഏറ്റവും കൂടുതല് ബാധിക്കുക ഇന്ത്യയെയാണ്.