തിരുവനന്തപുരം: തദ്ദേശ തെരഞ്ഞെടുപ്പില്‍ പെട്രോള്‍, ഡീസല്‍ വില വര്‍ധനവ് ചര്‍ച്ചയായിട്ടില്ലെന്നു ബിജെപി നേതാവ് കുമ്മനം രാജശേഖരന്‍. ജനങ്ങള്‍ ഇത്തവണ എന്‍ഡിഎയ്‌ക്കൊപ്പമാണെന്നും കുമ്മനം പറഞ്ഞു.
എന്‍ഡിഎ നടപ്പാക്കുന്ന ജനക്ഷേമ പ്രവര്‍ത്തനങ്ങളും ജീവകാരുണ്യ സന്നദ്ധ പ്രവര്‍ത്തനങ്ങളും ജനം കാണുന്നുണ്ട്. അതവര്‍ സ്വീകരിക്കുന്നു. അതിന്റെ ഗുണഫലങ്ങള്‍ അവര്‍ക്ക് ലഭിച്ചുകൊണ്ടിരിക്കുന്നു. അതുകൊണ്ട് ഇത്തവണ അവര്‍ എന്‍ഡിഎയെ കൈവിടില്ലെന്നും കുമ്മനം പറഞ്ഞു.
ഇന്ധനവില വര്‍ധനവ് തെരഞ്ഞെടുപ്പില്‍ ചര്‍ച്ചയായിട്ടില്ല. അതൊരു അന്തര്‍ദേശീയ വിഷയമാണ്. അന്തര്‍ദേശീയമായ ഏറ്റക്കുറച്ചിലുകള്‍ സംഭവിക്കുന്നതാണ്. അത് എല്ലാവര്‍ക്കും അറിയാവുന്ന കാര്യമാണെന്നും തിരുവനന്തപുരത്തു വോട്ട് ചെയ്തശേഷം അദ്ദേഹം പറഞ്ഞു. എല്‍ഡിഎഫിനെയും യുഡിഎഫിനെയും പുറന്തള്ളി കേരളത്തിലെ ജനങ്ങള്‍ എന്‍ഡിഎയെ സ്വാഗതം ചെയ്യുന്നു എന്നുള്ളതു വലിയൊരു മാറ്റമാണ്. തിരുവനന്തപുരം കോര്‍പ്പറേഷനില്‍ എന്‍ഡിഎ ഭരണം പിടിക്കുമെന്നും കുമ്മനം അവകാശപ്പെട്ടു.
