അര്‍ഹതയുണ്ടെന്ന് തോന്നിയാല്‍ ഇനിയും ചട്ടങ്ങള്‍ ലംഘിക്കാനാണ് തനിക്കിഷ്ടമെന്ന് മന്ത്രി

kt-jaleel

കോഴിക്കോട്: മാര്‍ക്ക് ദാന വിവാദത്തില്‍ നിലപാടിലുറച്ച് ഉന്നതവിദ്യാഭ്യാസ മന്ത്രി കെ.ടി.ജലീല്‍. വിദ്യാര്‍ഥിയുടെ ന്യായമായ അവകാശം സംരക്ഷിക്കുക മാത്രമാണ് ചെയ്തത്. അര്‍ഹതയുണ്ടെന്ന് തോന്നിയാല്‍ ഇനിയും ചട്ടങ്ങള്‍ ലംഘിക്കാനാണ് തനിക്കിഷ്ടമെന്നും അദ്ദേഹം തുറന്നടിച്ചു.

സാധാരണക്കാര്‍ പറഞ്ഞാല്‍ ന്യായമായ കാര്യം ചെയ്യാതിരിക്കാനാകില്ലെന്നും മന്ത്രി പറഞ്ഞു.

ഇതിനിടെ മുക്കത്ത് മന്ത്രി കെ.ടി. ജലീലിന് നേരെ യൂത്ത് കോണ്‍ഗ്രസ് പ്രവര്‍ത്തകര്‍ കരിങ്കൊടി കാട്ടി.

വിഷയത്തില്‍ മന്ത്രി ജലീല്‍ രാജിവയ്ക്കണമെന്ന ആവശ്യം യുഡിഎഫ് ശക്തമാക്കിയിരിക്കുകയാണ്. ജലീല്‍ രാജി വയ്ക്കണമെന്നാവശ്യപ്പെട്ട് കുറ്റിപ്പുറത്തും ഇന്നലെ യൂത്ത് കോണ്‍ഗ്രസ് പ്രതിഷേധ പ്രകടനം നടത്തുകയും കരിങ്കൊടി കാണിക്കുകയും ചെയ്തിരുന്നു.

Top