കൊച്ചി: ബന്ധുനിയമന വിവാദത്തെ തുടര്ന്ന് മന്ത്രി കെ.ടി.ജലീലിനെതിരെ യൂത്ത് ലീഗ് ഹൈക്കോടതിയെ സമീപിക്കാന് ഒരുങ്ങുന്നു.
ജലീല് ഇതുവരെ നടത്തിയ എല്ലാ നിയമനങ്ങളും അന്വേഷിക്കണമെന്ന ആവശ്യമുന്നയിച്ചാണ് യൂത്ത് ലീഗ് കോടതിയെ സമീപിക്കാന് ഒരുങ്ങുന്നത്. കോടതിയെ സമീപിക്കാന് യൂത്ത് ലീഗിനെ മന്ത്രി വെല്ലുവിളിക്കുകയും ചെയ്തിരുന്നു.
വിജ്ഞാപന പ്രകാരമുള്ള യോഗ്യതകളുള്ള പൊതുമേഖലാ ജീവനക്കാരനെ ഒഴിവാക്കി കൊണ്ട് ബന്ധു കെ.ടി.അദീബിനെ ന്യൂനപക്ഷ വികസന ധനകാര്യ കോര്പറേഷന് ജനറല് മാനേജരായി നിയമിച്ചെന്നാണ് ജലീലിനെതിരായ ആരോപണം. ബിരുദാനന്തര ബിരുദവും എംബിഎയും പൊതുമേഖലാ സ്ഥാപനത്തില് ഉന്നത തസ്തികയില് 5 വര്ഷത്തിലേറെ ജോലിപരിചയവുമുള്ള ഉദ്യോഗാര്ഥിയെയാണ് ഒഴിവാക്കിയിരുന്നത്.
ഷെഡ്യൂള്ഡ് ബാങ്കുകളില് നിന്ന് ഡെപ്യൂട്ടേഷന് വരുന്നതില് തെറ്റില്ലെന്നാണ് ജലീല് ഇക്കാര്യത്തില് ഉന്നയിച്ച വിശദീകരണം.