മലപ്പുറം: ലോകായുക്തയ്ക്കെതിരെ പരിഹാസവുമായി വീണ്ടും കെ ടി ജലീല് എം എല് എ രംഗത്ത്. ലോകായുക്തയായി സിറിയക് ജോസഫിനെ നിയമിക്കുന്ന സമയത്ത് നിയമ പ്രകാരം യോഗ്യരായ രണ്ടു പേരേ ഉണ്ടായിരുന്നുള്ളുവെന്നും ഒരു മാന്യന് എത്ര നിര്ബന്ധിച്ചിട്ടും പദവി ഏറ്റെടുത്തില്ലെന്നും ജലീല് പറഞ്ഞു. അതിനാല് മറ്റു മാര്ഗ്ഗങ്ങളില്ലാതെ സര്ക്കാര് സിറിയക് ജോസഫിനെ നിയമിക്കുകയായിരുന്നെന്നും അദ്ദേഹം ഫേസ്ബുക്ക് കുറിപ്പിലൂടെ പറഞ്ഞു.
ഫേസ്ബുക്ക് പോസ്റ്റിന്റെ പൂര്ണ്ണരൂപം;
ലോകായുക്ത നിയമനം നടന്നത് ഒന്നാം പിണറായി സര്ക്കാരിന്റെ കാലത്തല്ലേ എന്ന് ചോദിക്കുന്നവരോട്.
അന്ന് നിലവിലെ നിയമ പ്രകാരം യോഗ്യരായ രണ്ടു പേരേ ഉണ്ടായിരുന്നുള്ളൂ. ഒരു മാന്യന് എത്ര നിര്ബന്ധിച്ചിട്ടും പദവി ഏറ്റെടുക്കാന് തയ്യാറാകാതെ തന്റെ വിസമ്മതം അറിയിച്ചു. പിന്നെ ശേഷിച്ചയാളെ നിയമിക്കുകയല്ലാതെ മറ്റു മാര്ഗ്ഗങ്ങള് സര്ക്കാരിന് മുന്നില് ഇല്ലായിരുന്നു. ഇനി അതും പറഞ്ഞ് ഇടതുപക്ഷ പ്രവര്ത്തകരുടെ നെഞ്ചത്ത് ആരും കയറണ്ട.