തിരുവനന്തപുരം: നാളെ നടക്കാനിരിക്കുന്ന സര്വ്വകക്ഷി യോഗത്തില് പങ്കെടുക്കില്ലെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രന്. പൗരത്വഭേദഗതി നിയമത്തിനെതിരായ സംയുക്ത പ്രതിഷേധത്തില് സിപിഎമ്മുമായി സഹകരിക്കാനില്ലെന്നാണ് മുല്ലപ്പള്ളി രാമചന്ദ്രന് വ്യക്തമാക്കിയിരിക്കുന്നത്.
പൗരത്വഭേദഗതിക്കെതിരായ പ്രതിഷേധങ്ങള് സംബന്ധിച്ച തുടര്നടപടികള് ചര്ച്ച ചെയ്യാനായിരുന്നു സര്ക്കാര് നാളെ സര്വ്വകക്ഷി യോഗം വിളിച്ചത്. എന്നാല് മുല്ലപ്പള്ളി നേരത്തെ തന്നെ സര്വ്വകക്ഷി യോഗത്തില് എതിര്പ്പ് പ്രകടിപ്പിച്ചിരുന്നു. മുഖ്യമന്ത്രിയുമായുള്ള വിയോജിപ്പിനെ തുടര്ന്നാണ് തീരുമാനമെന്നാണ് സൂചന.
കെപിസിസി പ്രസിഡന്റിന്റെ ഈ തീരുമാനത്തില് യുഡിഎഫിനുള്ളില് മുല്ലപ്പള്ളിയെ അനുകൂലിച്ചും പ്രതികൂലിച്ചും നേതാക്കള് രംഗത്തെത്തിയിരുന്നു.