കോഴിക്കോട്: കോഴിക്കോട് ജില്ലയിലെ ബീച്ചുകളില് നവംബര് 12 മുതല് നിയന്ത്രണങ്ങളോടെ പ്രവേശനം അനുവദിക്കാന് ജില്ലാ കലക്ടര് അനുമതി നല്കി. പ്രവേശന കവാടത്തില് സഞ്ചാരികളുടെ ശരീരോഷ്മാവ് പരിശോധിക്കുന്നതിനും കൈകള് സോപ്പിട്ട് കഴുകുന്നതിനും ആരോഗ്യവകുപ്പ് നിര്ദ്ദേശിച്ചിട്ടുള്ള മറ്റ് എല്ലാ മുന്കരുതലുകളും സ്വീകരിക്കുന്നതിനുള്ള സംവിധാനം ഉണ്ടാകണം. കൊവിഡ് മാനദണ്ഡപ്രകാരം പാലിക്കേണ്ടതും ചെയ്യാന് പാടില്ലാത്തതുമായ കാര്യങ്ങള് പ്രത്യേകം പ്രദര്ശിപ്പിക്കണം.
നിശ്ചിത ഇടവേളകളില് നടപ്പാതകളും കൈവരികളും ഇരിപ്പിടങ്ങളുമെല്ലാം അണുവിമുക്തമാക്കണം. വിശ്രമമുറി, ശുചിമുറി എന്നിവയും നിശ്ചിത ഇടവേളകളില് വൃത്തിയാക്കാന് നടപടികള് സ്വീകരിക്കണമെന്നും ജില്ല കലക്ടർ ഉത്തരവിട്ടിട്ടുണ്ട്.