ന്യൂഡല്ഹി: ഇന്ത്യ തദ്ദേശീയമായി വികസിപ്പിച്ച കൊവിഡ് പ്രതിരോധ വാക്സിനായ ഭാരത് ബയോടെക്കിന്റെ കൊവാക്സിന് ലോകാരോഗ്യ സംഘടനയുടെ അംഗീകാരം ഈയാഴ്ച ലഭിക്കാന് സാദ്ധ്യതയെന്ന് റിപ്പോര്ട്ട്. സെന്ട്രല് ഡ്രഗ്സ് സ്റ്റാന്ഡേര്ഡ് കണ്ട്രോള് ഓര്ഗനൈസേഷന്റെ (സിഡിഎസ്സിഒ) വിദഗ്ധ സമിതിക്കു സമര്പ്പിച്ച മൂന്നാംഘട്ട ക്ലിനിക്കല് ട്രയല് ഡേറ്റ പ്രകാരം 77.8 ശതമാനമാണു കൊവാക്സിന്റെ ഫലപ്രാപ്തി.
ലോകാരോഗ്യ സംഘടനയുടെ പാനല് അടിയന്തര ഉപയോഗാനുമതി പട്ടികയില് കൊവാക്സിനെ ഉടനുള്പ്പെടുത്തുമെന്നു നേരത്തേ റിപ്പോര്ട്ടുണ്ടായിരുന്നു. കൊവാക്സിന്റെ രോഗപ്രതിരോധ ശേഷി, സുരക്ഷ, ഫലപ്രാപ്തി എന്നിവ സമഗ്രമായി വിലയിരുത്തിയാകും അനുമതി നല്കുന്നത്.
ഈയാഴ്ചയ്ക്കുള്ളില് ലോകാരോഗ്യ സംഘടനയുടെ എമര്ജെന്സി യൂസ് ലിസ്റ്റിങ്(ഇ.യു.എല്.) കൊവാക്സിന് ലഭിക്കും. വാക്സിന് അന്താരാഷ്ട്ര അംഗീകാരം ലഭിക്കുമെന്നാണ് പ്രതീക്ഷിക്കുന്നത്. ഇതോടെ വിദേശരാജ്യങ്ങല്ലേക്ക് യാത്ര ചെയ്യുന്നവരുടെ ബുദ്ധിമുട്ട് കുറയും കോവിഡ് വര്ക്കിങ് ഗ്രൂപ്പ് ചെയര്മാന് എന്.കെ. അറോറ വ്യക്തമാക്കി.