ഷാജുവിനേയും മാതാപിതാക്കളേയും നാളെ വീണ്ടും ചോദ്യം ചെയ്യും

കോ​ഴി​ക്കോ​ട്: കൂ​ട​ത്താ​യി കൂ​ട്ട​ക്കൊ​ല​പാ​ത​ക കേ​സി​ല്‍ ജോ​ളി​യു​ടെ ര​ണ്ടാം ഭ​ര്‍​ത്താ​വ് ഷാ​ജു​വി​നേ​യും മാ​താ​പി​താ​ക്ക​ളെ​യും വ്യാ​ഴാ​ഴ്ച വീ​ണ്ടും ചോ​ദ്യം ചെ​യ്യും. ഷാ​ജു, പി​താ​വ് സ​ക്ക​റി​യാ​സ്, മാ​താ​വ് ഫി​ലോ​മി​ന എ​ന്നി​വ​രെ​യാ​ണ് വീ​ണ്ടും ചോ​ദ്യം ചെ​യ്യു​ക.

മു​ഖ്യ​പ്ര​തി ജോ​ളി​യെ നാ​ളെ ഷാ​ജു​വി​ന്‍റെ പു​ലി​ക്ക​യ​ത്തെ വീ​ട്ടി​ല്‍ എ​ത്തി​ച്ച്‌ തെ​ളി​വെ​ടു​ക്കും. ഇ​തി​ന് ശേ​ഷം ഈ ​വീ​ട്ടി​ല്‍ വ​ച്ചാ​യി​രി​ക്കും വി​ശ​ദ​മാ​യ ചോ​ദ്യം ചെ​യ്യ​ല്‍ എ​ന്നാ​ണ് വി​വ​രം.

ഇന്ന് മുഖ്യപ്രതി ജോളിയേയും രണ്ടാം ഭര്‍ത്താവ് ഷാജുവിനേയും പൊലീസ് വടകര തീരദേശ പൊലീസ് സ്റ്റേഷനിൽ വച്ച് ചോദ്യം ചെയ്തിരുന്നു. ഷാജുവിന്റെ അച്ഛൻ സഖറിയാസിനേയും ചോദ്യം ചെയ്യാൻ വിളിച്ചുവരുത്തിയിരുന്നു. ആദ്യ ഭാര്യ സിലി കൊല്ലപ്പെടുമെന്ന് ഭർത്താവ് ഷാജുവിന് അറിയാമായിരുന്നു എന്നാണ് അന്വേഷണ സംഘത്തിന്‍റെ നിഗമനം.

Top