കൊല്ലം: ചവറയില്‍ കെഎസ്ആര്‍ടിസി ബസ് മറിഞ്ഞ് നിരവധി പേര്‍ക്ക് പരിക്കേറ്റു. നാല് പേരുടെ നില ഗുരുതരമാണ്. ബസിനുള്ളില്‍ കുടുങ്ങിയ യാത്രക്കാരെ നാട്ടുകാരും ഫയര്‍ഫോഴ്‌സും ചേര്‍ന്നാണ് പുറത്തെടുത്തത്.
രാവിലെ 11.15 ഓടെയാണ് അപകടമുണ്ടായത്. പത്തനംതിട്ടയില്‍ നിന്നും കൊല്ലത്തേയ്ക്ക് പോവുകയായിരുന്ന ബസ് നിയന്ത്രണം വിട്ട് വഴിയരികിലെ ഇലക്ട്രിക് പോസ്റ്റില്‍ ഇടിച്ച ശേഷം റോഡില്‍ തലകീഴായി മറിയുകയായിരുന്നു.
അപകടത്തെ തുടര്‍ന്ന് ദേശീയപാതയില്‍ ഗതാഗതം പൂര്‍ണമായും തടസപ്പെട്ടു. അപകടത്തിന്റെ കാരണം അറിവായിട്ടില്ല.
