തൃശ്ശൂര്: കൊടുങ്ങല്ലൂരില് സി പി ഐ നേതാവിന്റെ വീടിന് നേരെ കല്ലേറ്. എടവിലങ്ങ് പൊടിയന് ബസാറില് സി പി ഐ ലോക്കല് കമ്മിറ്റിയംഗം മണ്ണാട്ടറ മനോജിന്റെ വീടിന് നേരെയാണ് കല്ലേറുണ്ടായത്. കല്ലേറില് വീടിന്റെ മുന്വശത്തെ ജനല് ചില്ല് തകര്ന്നിട്ടുണ്ട്. സംഭവത്തില് പൊലീസ് കേസെടുത്ത് അന്വേഷണം ആരംഭിച്ചു.
പുലര്ച്ചെ രണ്ട് മണിയോടെയായിരുന്നു സംഭവം നടന്നത്. ശബ്ദം കേട്ട് വീട്ടുകാര് ഉണര്ന്ന് നോക്കിയെങ്കിലും അക്രമികള് ഓടി രക്ഷപ്പെടുകയായിരുന്നു. അക്രമണത്തിന് പിറകില് ബി ജെ പി പ്രവര്ത്തകരാണെന്നും കഴിഞ്ഞ തെരഞ്ഞെടുപ്പ് സമയത്തും വീട്ടില് കയറി ഭീഷണിപ്പെടുത്തിയിട്ടുണ്ടെന്നും മനോജ് വ്യക്തമാക്കി.