തിരുവനന്തപുരം: മുഖ്യമന്ത്രിക്കെതിരെ വര്ഗീയ പരാമര്ശവുമായി കൊടിക്കുന്നില് സുരേഷ് എം പി. നവോത്ഥാനനായകനെങ്കില് മകളെ പട്ടിക ജാതിക്കാരന് വിവാഹം ചെയ്ത് കൊടുക്കണമായിരുന്നു. സിപിഐഎമ്മില് പട്ടിക ജാതിക്കാരായ എത്രയോ ചെറുപ്പകാരുണ്ടെന്നും കൊടിക്കുന്നില് പരിഹാസിച്ചു. അയ്യങ്കാളി ജയന്തിയുടെ ഭാഗമായി സംഘടിപ്പിച്ച ചടങ്ങിലായിരുന്നു കൊടിക്കുന്നിലിന്റെ പ്രതികരണം.
പട്ടികജാതികാരനായ മന്ത്രിയെ നിയന്ത്രിക്കാന് മന:സാക്ഷി സൂക്ഷിപ്പുകാരനെ നിയമിച്ചുവെന്നും അദ്ദേഹം ചൂണ്ടിക്കാട്ടി. പിണറായി വിജയന്റെ നവോത്ഥാന പ്രസംഗം തട്ടിപ്പെന്നും അദ്ദേഹം പറഞ്ഞു. എസ്സിഎസ്ടി ഫണ്ട് തട്ടിപ്പില് സിബിഐ അന്വേഷണം ആവശ്യപ്പെട്ടായിരുന്നു കൊടിക്കുന്നില് സുരേഷ് എംപിയുടെ നേതൃത്വത്തില് ദളിത് ആദിവാസി നേതാക്കളുടെ പ്രതിഷേധം സംഘടിപ്പിച്ചത്.
അതേസമയം, പട്ടിക ജാതിക്കാരനായ മന്ത്രിയെ നിയന്ത്രിക്കാന് മുഖ്യമന്ത്രി തന്റെ മനസാക്ഷി സൂക്ഷിപ്പുകാരനെ നിയമിച്ചു. മറ്റു മന്ത്രിമാരുടെ ഓഫീസുകളില് അത്തരം നിയന്ത്രണം ഇല്ല. രണ്ടാം പിണറായി സര്ക്കാറില് കെ രാധാകൃഷ്ണനെ ദേവസ്വം മന്ത്രിയാക്കി നിയമിച്ചത് വലിയ നവോത്ഥാനമാക്കി ഉയര്ത്തിക്കാട്ടിയെന്നും അദ്ദേഹം കുറ്റപ്പെടുത്തി. സംസ്ഥാനത്തെ പട്ടികജാതി പട്ടിക വര്ഗ വിഭാഗങ്ങള് വലിയ തോതില് പീഡിപ്പിക്കപ്പെട്ട കാലമായിരുന്നു കഴിഞ്ഞ ഒന്നാം പിണറായി സര്ക്കാര് എന്നും അദ്ദേഹം കുറ്റപ്പെടുത്തി.