കൊച്ചി: കൊച്ചി- യുകെ വിമാന സര്വീസുകള് പുനരാരംഭിച്ചു. വെള്ളിയാഴ്ച്ച മുതല് കൂടുതല് സര്വീസുകളുണ്ടാകും. നെടുമ്പാശേരിയില് നിന്ന് എല്ലാ ബുധനാഴ്ചയുമാണ് എയര് ഇന്ത്യയുടെ ഹീത്രു സര്വീസ് ഉള്ളത്. യൂറോപ്പിലേക്ക് നേരിട്ടുള്ള സര്വീസ് പ്രോത്സാഹിപ്പിക്കുന്നതിന്റെ ഭാഗമായി പാര്ക്കിങ്, ലാന്ഡിങ് ചാര്ജുകള് സിയാല് ഒഴിവാക്കി.
അതേസമയം ഇന്ത്യയെ റെഡ് പട്ടികയില് നിന്ന് ആംബെര് പട്ടികയിലേക്ക് ബ്രിട്ടന് മാറ്റിയതോടെയാണ് യാത്ര സുഗമമാകുന്നത്. കേരളത്തില്നിന്ന് ലണ്ടനിലേക്ക് നേരിട്ട് സര്വീസുള്ള ഏക വിമാനത്താവളമായി കൊച്ചി മാറും. എല്ലാ ബുധനാഴ്ചയും പുലര്ച്ചെ 3.45ന് കൊച്ചിയിലെത്തുന്ന വിമാനം 5.50ന് ഹീത്രുവിലേക്ക് മടങ്ങുമെന്ന് സിയാല് എംഡി എസ് സുഹാസ് പറഞ്ഞു.