കൊച്ചി : ടി പി ചന്ദ്രശേഖരന് വധക്കേസില് ജയില്ശിക്ഷ അനുഭവിക്കുന്ന പതിമൂന്നാം പ്രതി പി കെ കുഞ്ഞനന്തന് ചട്ടങ്ങള് മറികടന്ന് പരോള് നല്കിയത് ചോദ്യം ചെയ്ത് കൊണ്ട് കെ കെ രമ സമര്പ്പിച്ച ഹര്ജി ഹൈക്കോടതി ഇന്ന് പരിഗണിക്കും.
കുഞ്ഞനന്തന് അച്ചടക്കമുള്ള തടവുകാരനാണെന്നും നിയമാനുസൃതമായ പരോള് മാത്രമെ അനുവദിച്ചിട്ടുള്ളൂവെന്നുമാണ് സര്ക്കാര് കോടതിയെ അറിയിച്ചത്.
കുഞ്ഞനന്തന് അടിയന്തര ചികിത്സ ആവശ്യമാണെന്ന് സര്ക്കാര് കോടതിയില് വിശദമാക്കിയിരുന്നു. ശിക്ഷ റദ്ദാക്കി ജാമ്യം നല്കണമെന്നാവശ്യപ്പെട്ട് കുഞ്ഞനന്തന് നല്കിയ ഹര്ജിയിലാണ് സര്ക്കാര് നിലപാട് അറിയിച്ചത്.
അതേസമയം കുഞ്ഞനന്തന് അസുഖത്തിന്റെ പേരില് തുടര്ച്ചയായി പരോള് അനുവദിച്ചതിനെ ഹൈക്കോടതി നേരത്തെ വിമര്ശിച്ചിരുന്നു. അസുഖമുണ്ടെങ്കില് സര്ക്കാര് ചികിത്സ നല്കുകയാണ് വേണ്ടതെന്നും പരോള് അല്ല നല്കേണ്ടതെന്നുമായിരുന്നു കോടതിയുടെ നിലപാട്. ശിക്ഷ മരവിപ്പിച്ച് ജാമ്യം നല്കണമെന്ന കുഞ്ഞനന്തന്റെ ഹര്ജിയും ഹൈക്കോടതിയുടെ പരിഗണനയിലുണ്ട്.