ഹൈദരാബാദ്: കിറ്റക്സ് ഗ്രൂപ്പ് തെലങ്കാനയില് രണ്ടുവര്ഷത്തിനുള്ള 1000 കോടി രൂപയുടെ നിക്ഷേപം നടത്തും. സംസ്ഥാന വ്യവസായ മന്ത്രി കെ ടി രാമറാവുവുമായി നടത്തിയ ചര്ച്ചയിലാണ് ഇക്കാര്യത്തില് തീരുമാനമായതെന്ന് മന്ത്രി ട്വീറ്റ് ചെയ്തു. ഇതിലൂടെ സംസ്ഥാനത്ത് നാലായിരം തൊഴിലവസരങ്ങള് സൃഷ്ടിക്കപ്പെടുമെന്നാണ് പ്രതീക്ഷിക്കുന്നത്.
വാറംഗലിലെ കകാതിയ മെഗാ ടെക്സ്റ്റൈല് പാര്ക്കില് ആരംഭിക്കുന്ന ടെക്സ്റ്റൈല് അപ്പാരല് പാര്ക്കിന്റെ ആദ്യഘട്ടമെന്ന നിലയിലാണ് 1000 കോടി രൂപ നിക്ഷേപിക്കുക. ലോകത്തെ രണ്ടാമത്തെ ഏറ്റവും വലിയ കുട്ടികള്ക്കുള്ള വസ്ത്രനിര്മാതാക്കളായ കിറ്റെക്സ് ഗ്രൂപ്പിന്റെ പ്രവേശനത്തില് സന്തോഷമുണ്ടെന്ന് അദ്ദേഹം പറഞ്ഞു.
ജേക്കബുമായി നടത്തിയ ചര്ച്ചയിലാണ് വാറങ്കലിലുള്ള കകതിയ മെഗാ ടെക്സ്റ്റൈല്സ് പാര്ക്കിലാകും കിറ്റെക്സിന്റെ ഫാക്ടറികള് സ്ഥാപിക്കുക. തെലങ്കാന സര്ക്കാരിന്റെ പ്രത്യേക്ഷ ക്ഷണം സ്വീകരിച്ചാണ് സാബു ജേക്കബും സംഘവും ഇന്ന് ഹൈദരാബാദിലെത്തിയത്. സംഘം നാളെ മടങ്ങും.
‘കുട്ടികള്ക്കുള്ള തുണിത്തരങ്ങള് നിര്മിക്കുന്ന ലോകത്തെ രണ്ടാമത്തെ ഏറ്റവും വലിയ കമ്പനിയായ കിറ്റക്സിനെ തെലങ്കാനയിലേക്ക് കൊണ്ടുവരുന്നതില് അതിയായ സന്തോഷമുണ്ട്. പുതിയ ഫാക്ടറി ആരംഭിക്കാന് വാറംഗലിലെ കാകതിയ മെഗാ ടെക്സ്റ്റൈല് പാര്ക്ക് അവര് തെരഞ്ഞെടുത്തു. വളരെ പെട്ടെന്ന് തന്നെ തീരുമാനമെടുത്ത കിറ്റക്സ് എംഡി സാബു എം ജേക്കബിന് നന്ദി പറയുന്നു’ കെ ടി രാമറാവു ട്വീറ്റ് ചെയ്തു.