ധമർ: ഭാര്യ ഭർത്താവിനെ കൊന്നു കഷ്ണങ്ങളാക്കി. ശേഷം ശരീരഭാഗങ്ങൾ അടുപ്പിൽ വച്ച് വേവിച്ചു. പടിഞ്ഞാറൻ യെമനിലെ ധമർ ഗവർണറേറ്റിലാണ് സംഭവം. 25കാരിയായ മറിയം നാസറാണ് ഭർത്താവ് ബദർ മുഹമ്മദിനെ (25) കൊലപ്പെടുത്തിയത്.
ഭർത്താവിനെ കത്തി കൊണ്ട് കുത്തിക്കൊല്ലുകയായിരുന്നു. പിന്നാലെ മൃതദേഹം ചെറുതായി മുറിച്ച് വേവിച്ചു. മറിയം കീടനാശിനി കുടിച്ച് ആത്മഹത്യയ്ക്ക് ശ്രമിച്ചതായും പൊലീസ് പറയുന്നു.
കുറ്റകൃത്യം നടന്ന സ്ഥലത്ത്‌ എത്തിച്ച് പരിശോധന നടത്തിയ ശേഷം പ്രതിയെ ആശുപത്രിയിൽ പ്രവേശിപ്പിച്ചിരിക്കയാണ്. കുടുംബ തർക്കമാണ് കൊലപാതകത്തിന് കാരണമെന്ന് പൊലീസ് പറഞ്ഞു.
