ചക്രി ടോലേറ്റി സംവിധാനം ചെയ്യുന്ന ഏറ്റവും പുതിയ ചിത്രമാണ് ‘ഖാമോഷി’. ചിത്രത്തിന്റെ ട്രെയ്‌ലര്‍ പുറത്തുവിട്ടു. തമന്നയും പ്രഭുദേവയും കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രമാണ് ഖാമോഷി. സൈക്കോ കഥാപാത്രമായി പ്രഭുദേവയും ബധിരയും ഊമയുമായ പെണ്‍കുട്ടിയായി തമന്നയും അഭിനയിക്കുന്നു.
ചിത്രം മെയ് 31 ന് പ്രദര്‍ശനത്തിനെത്തും. ഭൂമിക ചൗള, മുര്‍ളി ശര്‍മ, പ്രഭാസ് എന്നിവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. യുവന്‍ ശങ്കര്‍ രാജയാണ് ചിത്രത്തിന്റെ സംഗീതം നിര്‍വഹിക്കുന്നത്. പൂജാ ഫിലിംസിന്റെ ബാനറില്‍ വാശു ബഗ്നാനിയാണ് ചിത്രം നിര്‍മ്മിക്കുന്നത്.
