സറെ: ഖലിസ്ഥാന് വിഘടനവാദി നേതാവ് ഹര്ദീപ് സിങ് നിജ്ജാര് വെടിയേറ്റ് മരിച്ചു. കാനഡയിലെ ബ്രിട്ടീഷ് കൊളംബിയ പ്രവിശ്യയിലെ സറെ സിറ്റിയില് വെച്ചാണ് നിജ്ജര് കൊല്ലപ്പെട്ടത്. ഞായറാഴ്ച വൈകുന്നേരം ഗുരുദ്വാരയ്ക്കുള്ളില് വച്ച് അജ്ഞാതരായ രണ്ടുപേര് ഹര്ദീപിന് നേരെ നിറയൊഴിക്കുകയായിരുന്നു.
ഖലിസ്ഥാന് ടൈഗര് ഫോഴ്സ് തലവനായ ഹര്ദീപിനെ കുറിച്ച് വിവരം നല്കുന്നവര്ക്ക് ദേശീയ കുറ്റാന്വേഷണ ഏജന്സി 10 ലക്ഷം രൂപ പാരിതോഷികം പ്രഖ്യാപിച്ചിരുന്നു. പഞ്ചാബിലെ ജലന്ധറില് ഹിന്ദു മതപുരോഹിതനെ കൊല്ലാന് ഗൂഢാലോചന നടത്തിയെന്ന കേസില് ഹര്ദീപിനെതിരെ റെഡ് കോര്ണര് നോട്ടിസ് പുറപ്പെടുവിച്ചിരുന്നു.