തലശ്ശേരി: സി.കെ. നായിഡു അണ്ടര്‍-23 ക്രിക്കറ്റില്‍ കേരളത്തിന് ജയം. വാശിയേറിയ മത്സരത്തില്‍ കേരളം ജമ്മു കാശ്മീരിനെയാണ് പരാജയപ്പെടുത്തിയത്. ഇന്നിങ്സിനും 65 റണ്‍സിനുമാണ് കേരളം ജമ്മു കാശ്മീരിനെ തോല്‍പ്പിച്ചത്. സ്‌കോര്‍: കേരളം 377; കാശ്മീര്‍ 115, 197.
കേരളത്തിന് വേണ്ടി വിഷ്ണു പി. കുമാറും ശ്രീഹരി എസ്. നായരും മൂന്ന് വീതം വിക്കറ്റെടുത്തു. സിജോമോന്‍ ജോസഫിന് രണ്ട് വിക്കറ്റും ലഭിച്ചു. നേരത്തെ ക്യാപ്റ്റന്‍ വത്സല്‍ ഗോവിന്ദിന്റെ സെഞ്ചുറി (191) മികവിലാണ് കേരളം മികച്ച സ്‌കോര്‍ നേടിയത്.
