തിരുവനന്തപുരം: കേരള സർവകലാശാല വൈസ് ചാൻസലർ നിയമന സെർച്ച് കമ്മിറ്റിയിലേക്കു സെനറ്റ് പ്രതിനിധിയെ തെരഞ്ഞെടുക്കാനുള്ള യോഗം ചൊവ്വാഴ്ച ചേരും. പതിനൊന്നിന് മുമ്പ് സെനറ്റ് പ്രതിനിധിയെ തെരഞ്ഞെടുക്കണമെന്ന് ഗവർണർ അന്ത്യശാസനം നൽകിയിരുന്നു. തെരഞ്ഞെടുപ്പ് മാത്രാമാണ് രാവിലെ പത്തുമണിക്ക് വിളിച്ച ചേർത്ത യോഗത്തിന്റെ അജണ്ട. ഇതു സംബന്ധിച്ച നോട്ടിസ് വിസി വിപി മഹാദേവൻപിള്ള അംഗങ്ങൾക്ക് അയച്ചു.
അതേസമയം, കഴിഞ്ഞ സെനറ്റിലെ നിലപാട് പുനഃപരിശോധിക്കേണ്ടതില്ലെന്നു ഭരണകക്ഷി അംഗങ്ങളും അജൻഡ പ്രകാരം പ്രതിനിധിയെ തെരഞ്ഞെടുക്കണമെന്നു പ്രതിപക്ഷ അംഗങ്ങളും ആവശ്യപ്പെടുമെന്നാണു റിപ്പോർട്ടുകൾ. വിസിയുടെ കാലാവധി ഒക്ടോബർ 24ന് അവസാനിക്കും.
