തിരുവനന്തപുരം: പൗരത്വ നിയമത്തിനെതിരായ പ്രക്ഷോഭത്തിന്റെ പേരില് തീവ്രവാദ സംഘങ്ങള് കാര്യങ്ങള് വഴി തിരിച്ച് വിടാന് ശ്രമിക്കുകയാണെന്ന് മുഖ്യമന്ത്രി പിണറായി വിജയന്. മഹല്ല് കമ്മിറ്റികളുടെ നേതൃത്വത്തില് നടക്കുന്ന പ്രക്ഷോഭങ്ങളില് എസ്ഡിപിഐ നുഴഞ്ഞ് കയറുന്നത് ശ്രദ്ധിക്കണമെന്നും മുഖ്യമന്ത്രി പറഞ്ഞു.
പൗരത്വ നിയമത്തിനെതിരായ പ്രക്ഷോഭത്തിന്റെ പേരില് മതസ്പര്ധ വളര്ത്താനാണ് നീക്കം നടക്കുന്നത്.അക്രമങ്ങള് ഒരു കാരണവശാലും അനുവദിക്കില്ലെന്നും മുഖ്യമന്ത്രി പറഞ്ഞു. സമരം വഴിവിട്ടു പോയാല് പോലീസ് കൈയും കെട്ടി നോക്കി നില്ക്കില്ലെന്നും മുഖ്യമന്ത്രി വ്യക്തമാക്കി. പൗരത്വ ഭേദഗതിക്കെതിരെ നിയമ വിധേയമായി സമരം ചെയ്ത ആര്ക്കെതിരെയും കേസെടുത്തിട്ടില്ല. എന്നാല് പൗരത്വ നിയമത്തിനെതിരായ പ്രക്ഷോഭത്തിന്റെ പേരില് പോസ്റ്റ്ഓഫീസ് തല്ലിപ്പൊളിക്കുന്നത് പോലുള്ള പ്രവര്ത്തനങ്ങള് ഉണ്ടായാല് കേസെടുക്കുക തന്നെ ചെയ്യുമെന്നും പിണറായി വിജയന് പറഞ്ഞു.
നിയമസഭയിലെ ചോദ്യോത്തര വേളയിലാണ് മുഖ്യമന്ത്രിയുടെ പ്രതികരണം. മുഖ്യമന്ത്രിയുടെ മറുപടി പ്രതിപക്ഷ നിരയില് വലിയ ബഹളത്തിനും ഇടയാക്കി. എസ്ഡിപിഎക്ക് എതിരെ പറയുമ്പോള് എന്തിനാണ് പ്രതിപക്ഷം ബഹളം വക്കുന്നതെന്നും പിണറായി വിജയന് ചോദിച്ചു. എസ്ഡിപിഐയുമായി സഖ്യമുണ്ടാക്കിയത് ആരാണെന്ന് എല്ലാവര്ക്കുമറിയാം എന്ന് പ്രതിപക്ഷ നേതാവ് തിരിച്ചടിച്ചു. . എസ്ഡിപിഐയുടെ പിന്തുണ പ്രതിപക്ഷത്തിന് ആവശ്യമില്ലെന്നും രമേശ് ചെന്നിത്തല പറഞ്ഞു.