തിരുവനന്തപുരം:സംസ്ഥാനത്തെ തദ്ദേശവാര്ഡുകളുടെ എണ്ണം കൂട്ടുന്ന ഓര്ഡിനന്സില് ഒപ്പിടാന് വിസമ്മതിച്ച് ഗവര്ണര് ആരിഫ് മുഹമ്മദ് ഖാന്. ഓര്ഡിനന്സില് ഒപ്പിടാനാകില്ലെന്ന് ഗവര്ണര് ആരിഫ് മുഹമ്മദ് ഖാന് മന്ത്രി എ.സി.മൊയ്തീനെ അറിയിച്ചു.
ഓര്ഡിനന്സിന്റെ ആവശ്യമെന്തെന്നും ഇത്തരം വിഷയങ്ങള് നിയമസഭയില് കൊണ്ടുവന്ന് നിയമമാക്കണമെന്നും ഗവര്ണര് മന്ത്രിയോട് പറഞ്ഞു. പൗരത്വനിയമത്തിനെതിരെ പ്രമേയം പാസാക്കാന് നിയമസഭ ചേര്ന്നല്ലോയെന്നും ചോദിച്ചു.
തദ്ദേശസ്ഥാപനങ്ങളില് കുറഞ്ഞത് എത്രവാര്ഡുകള് ആകാമെന്നും പരമാവധി എത്രവാര്ഡുകള് ആകാമെന്നും നിയമമുണ്ട്. എല്ലാ തദ്ദേശസ്ഥാപനങ്ങളിലും ഒരു വാര്ഡ് വച്ച് വര്ധിപ്പിക്കാന് സര്ക്കാര് തീരുമാനിച്ചതോടെയാണ് പഞ്ചായത്ത്, മുനിസിപ്പാലിറ്റി നിയമങ്ങളില് ഭേദഗതി വേണ്ടിവന്നത്.