വെള്ളപ്പൊക്കത്തില്‍ വലയുന്ന കേരള ജനതയ്ക്ക് പിന്തുണ അഭ്യര്‍ത്ഥിച്ച് സോണി സിക്‌സ് ചാനലും. ഇന്ത്യ- ഇംഗ്ലണ്ട് മൂന്നാം ടെസ്റ്റ് ടെലികാസ്റ്റിനിടെയാണ് സോണി സിക്‌സ് ചാനല്‍ മുഖ്യമന്ത്രിയുടെ ദുരിതാശ്വാസ ഫണ്ടിലേക്ക്
സഹായമഭ്യര്‍ത്ഥിച്ചിരിക്കുന്നത്. ഇന്ത്യ- ഇംഗ്ലണ്ട് മൂന്നാം ടെസ്റ്റ് ടെലികാസ്റ്റിനിടെ ടിവിയുടെ താഴെ പ്രത്യേക ബോക്‌സിലാണ് ചാനല്‍ തങ്ങളുടെ പിന്തുണ അറിയിച്ചത്. സ്റ്റാന്‍ഡ് വിത്ത് കേരള എന്ന ഇംഗ്ലീഷ് ഹെഡ്ഡിങ്ങിന് താഴെയായിരുന്നു സന്ദേശം പ്രദര്‍ശിപ്പിച്ചത്.
Thank You Sony Six! #ENGvIND#KeralaFloods pic.twitter.com/N51FlMA2zs
— Ashish Mukundan (@ashishmukundan) August 18, 2018
മുഖ്യമന്ത്രിയുടെ ദുരിതാശ്വാസനിധിയുടെ അക്കൗണ്ട് നമ്പറും ബാങ്കിന്റെ വിശദവിവരങ്ങളും സോണി സിക്‌സ് ചാനല്‍ കൊടുത്തിട്ടുണ്ട്. സഹായമഭ്യര്‍ത്ഥിച്ചുള്ള ബോക്‌സ് വന്നതിന് പിന്നാലെ ഇക്കാര്യം പലരും ട്വിറ്ററില്‍ ചൂണ്ടിക്കാണിക്കുകയും ചെയ്തു. സോണി സിക്‌സിന്റെ നടപടിയില്‍ നന്ദി അറിയിക്കുന്ന പോസ്റ്റുകളായിരുന്നു പലരും രേഖപ്പെടുത്തിയിരിക്കുന്നത്.
