പാലാ: പാലായില് യുഡിഎഫിന്റെ വിമതസ്ഥാനാര്ത്ഥിയെ ഇറക്കി. കേരളാകോണ്ഗ്രസ് എം അംഗവും പി ജെ ജോസഫ് അനുകൂലിയുമായ വര്ഗീസ് കണ്ടത്തിലാണ് സ്വതന്ത്ര സ്ഥാനാര്ത്ഥി.
പി ജെ ജോസഫിന്റെ പിഎയ്ക്കൊപ്പം എത്തിയാണ് അദ്ദേഹം നാമനിര്ദ്ദേശ പത്രിക സമര്പ്പിച്ചത്. എന്നാല്, കര്ഷക യൂണിയന് സംസ്ഥാന ജനറല് സെക്രട്ടറിയായ വര്ഗീസ് ഡമ്മി സ്ഥാനാര്ത്ഥി മാത്രമാണെന്നാണ് ജോസഫ് പക്ഷം ഉന്നയിക്കുന്ന വാദം.
യുഡിഎഫ് സ്ഥാനാര്ത്ഥിയും ജോസ് കെ മാണി പക്ഷക്കാരനുമായ ജോസ് ടോം പുലിക്കുന്നേലിന് രണ്ടില ചിഹ്നം നല്കാനാവില്ലെന്ന് തന്നെയാണ് പി ജെ ജോസഫ് ആവര്ത്തിച്ചു പറയുന്നത്. ഇതിനിടെയാണ് വര്ഗീസ് കണ്ടത്തില് നാമനിര്ദ്ദേശ പത്രിക സമര്പ്പിച്ചിരിക്കുന്നത്.