തിരുവനന്തപുരം: ഹിന്ദുസ്ഥാന് ലാറ്റക്സ് ലിമിറ്റഡ് ലേലത്തില് പങ്കെടുക്കാന് സംസ്ഥാന സര്ക്കാരിന് അനുമതി നിഷേധിച്ച് കേന്ദ്രം. സംസ്ഥാന സര്ക്കാരുകള്ക്ക് ഇത്തരം ലേല നടപടികളില് പങ്കെടുക്കാന് കഴിയില്ലെന്ന് കേന്ദ്രസര്ക്കാര് അറിയിക്കുകയായിരുന്നു. സംസ്ഥാന സര്ക്കാരുകള്ക്കും പൊതുമേഖലാ സ്ഥാപനത്തിനും ലേലത്തില് പങ്കെടുക്കാന് കഴിയില്ലെന്ന് വ്യക്തമാക്കി കേന്ദ്രം സംസ്ഥാനത്തിന് കത്തയച്ചു.
ഹിന്ദുസ്ഥാന് ലാറ്റക്സിനെ ഏറ്റെടുക്കാന് സന്നദ്ധത പ്രകടിപ്പിച്ച ശേഷം ആസ്തികള് ഏറ്റെടുക്കുന്നതിനുള്ള സാധ്യത പരിശോധിക്കാന് സംസ്ഥാന സര്ക്കാര് കെഎസ്ഐഡിസിയെ ചുമതലപ്പെടുത്തുകയും ചെയ്തിരുന്നു. ഇതിന്റെ നടപടി ക്രമങ്ങള് പുരോഗമിക്കവേയാണ് ലേലത്തില് പങ്കെടുക്കുന്നതില് നിന്ന് സംസ്ഥാനത്തെ കേന്ദ്രം വിലക്കിയത്.