അടിസ്ഥാന സൗകര്യ വികസനവും വനിതാ ക്ഷേമവും

തിരുവനന്തപുരം: പ്രകടനപത്രികയില്‍ വാഗ്ദാനം ചെയ്ത ജനക്ഷേമ പ്രഖ്യാപനങ്ങള്‍ക്ക് പണം വകയിരുത്തി പിണറായി വിജയന്‍ സര്‍ക്കാരിന്റെ ആദ്യ ബജറ്റ് ധനമന്ത്രി തോമസ് ഐസക് നിയമസഭയില്‍ അവതരിപ്പിച്ചു. സാമൂഹിക സുരക്ഷയ്ക്കും കാര്‍ഷികോത്പാദന വര്‍ധനയ്ക്കും ഊന്നല്‍ നല്‍കിയുള്ള ബജറ്റില്‍ മൂലധന നിക്ഷേപത്തിന് ബജറ്റിതര മാര്‍ഗത്തിലൂടെ അധിക വിഭവസമാഹരണം ലക്ഷ്യമിട്ടുള്ള സര്‍ക്കാര്‍ നയവും പ്രഖ്യാപിച്ചു.

എല്ലാ ക്ഷേമ പെന്‍ഷനുകളും 1000 രൂപയായി ഉയര്‍ത്തിയും ഓണത്തിന് മുമ്പ് സര്‍ക്കാര്‍ ജീവനക്കാര്‍ക്ക് ഒരു മാസത്തെ ശമ്പളം മുന്‍കൂട്ടി പ്രഖ്യാപിച്ചും പൊതുവിദ്യാഭ്യാസ രംഗത്തും ആരോഗ്യമേഖയിലും സര്‍ക്കാര്‍ ഇടപെടല്‍ വര്‍ധിപ്പിക്കുന്നതാണ് ബജറ്റിന്റെ പൊതുസമീപനം. ഇതനുസരിച്ച് കാര്‍ഷിക മേഖലയിലെ ഉത്പാദനം കൂട്ടുന്നതിനും പശ്ചാത്തല വികസന സൗകര്യത്തിനുള്ള ചുവടുവെപ്പും ബജറ്റിലുള്‍പ്പെടുത്തി.

ശ്രീനാരായണ ഗുരുവിന്റെ വാക്കുകള്‍ ഉദ്ധരിച്ച് ബജറ്റ് പ്രസംഗം തുടങ്ങിയ തോമസ് ഐസക് ഇടക്കിടെ സാന്ദര്‍ഭികമായി നാരായണ ഗുരുവിന്‍റെ ശ്ലോകങ്ങള്‍ വീണ്ടും കടമെടുക്കുന്നുണ്ടായിരുന്നു.ബജറ്റ് അവസാനിപ്പിച്ചതാകട്ടെ ഒഎന്‍വിയുടെ കവിത ചൊല്ലിയും.

ബജറ്റിലെ പ്രധാന നിര്‍ദേശങ്ങള്‍

08:57
വിഴിഞ്ഞം പദ്ധതി ഇപ്പോഴത്തെ രീതിയില്‍ തുടരുമെന്ന് ധനമന്ത്രി