ജാപ്പനീസ് ബ്രാൻഡായ കാവാസാക്കിയുടെ നിഞ്ച ZX-4R 400 സിസി ഫോര് സിലിണ്ടര് എഞ്ചിനുമായി ഒരുങ്ങുന്നുവെന്ന് റിപ്പോർട്ടുകൾ. കഴിഞ്ഞ വര്ഷം ജൂലൈയില് ഏഷ്യയിലും ഓസ്ട്രേലിയയിലും എന്ട്രി ലെവല് സൂപ്പര്സ്പോര്ട്ട് മോട്ടോര്സൈക്കിള് നിഞ്ച ZX-25R പുറത്തിറക്കിയതിലൂടെ ബ്രാന്ഡിന് വലിയൊരു വിഭാഗം ഉപഭോക്താക്കളെ സ്വന്തമാക്കാൻ കഴിഞ്ഞിരുന്നു.
മിഡില്വെയ്റ്റ് സൂപ്പര്സ്പോര്ട്ട് ബൈക്കുകളായ നിഞ്ച ZX-6R, നിഞ്ച ZX-10R എന്നിവയും ഈ ശ്രേണിയില് ഉള്പ്പെടുന്നു. മൂന്ന് മോട്ടോര്സൈക്കിളുകളുടെയും പ്രകടനത്തിനും ചലനാത്മകതയ്ക്കും പരക്കെ പ്രശംസ ലഭിച്ചതോടെ, പുതിയ നിഞ്ച ZX-4R അവതരിപ്പിച്ച് ZX ലൈനപ്പ് വിപുലീകരിക്കാന് ഒരുങ്ങുന്നതായിട്ടാണ് റിപ്പോര്ട്ട്.
ഈ ശ്രേണിയിലെ മറ്റ് മോഡലുകളെപ്പോലെ ZX-4R, ഉയര്ന്ന റിവ്യൂവിംഗ് ഇന്ലൈന് ഫോര് സിലിണ്ടര് മോട്ടോര് ഉപയോഗിച്ച് പ്രവര്ത്തിക്കും, എന്നാല് 400 സിസിയുടെ സ്ഥാനചലനം വഹിക്കും. ZX-25R ന്റെ ബോര് വലുതാക്കി പുതിയ എഞ്ചിന് ക്രാങ്കും പിസ്റ്റണുകളും ചേര്ത്താണ് ഈ എഞ്ചിന് നിര്മ്മിച്ചതെന്നും റിപ്പോര്ട്ട് സൂചിപ്പിക്കുന്നു.മുന്നില് ഒരു ജോഡി ഇന്വേര്ട്ടഡ് ഫോര്ക്കുകളും, പിന്നില് ഒരു ലിങ്ക്ഡ് മോണോ-ഷോക്ക്, റേഡിയല് കാലിപ്പറുകളുള്ള ഇരട്ട ഫ്രണ്ട് ഡിസ്കുകള്, പിന്നില് ഒരു ഡിസ്ക് എന്നിവ ഇതില് ഉള്പ്പെടും.