വള്ക്കന് S മോഡലിന്റെ ബിഎസ് VI പതിപ്പിനെ അവതരിപ്പിക്കാന് ഒരുങ്ങി കവസാക്കി. കാഴ്ചയില് ബൈക്ക് ബിഎസ് IV മോഡലിന് സമാനമായിരിക്കും ബിഎസ് VI പതിപ്പും.
649 സിസി ലിക്വിഡ്-കൂള്ഡ്, പാരലല്-ട്വിന് എഞ്ചിനിലാണ് ബിഎസ് IV മോഡലിന് കരുത്തേകുന്നത്. ഈ എഞ്ചിന് തന്നെയാണ് ബിഎസ് VI -ലേക്ക് നവീകരിക്കുക. അതേസമയം എഞ്ചിന്റെ കരുത്തും ടോര്ഖും കമ്പനി വെളിപ്പെടുത്തിയിട്ടില്ല.
ബിഎസ് IV പതിപ്പില് ഈ എഞ്ചിന് 7,500 rpm -ല് 60 bhp കരുത്തും 6,600 rpm -ല് 63 Nm torque ഉം ഉത്പാദിപ്പിക്കും. 6 സ്പീഡ് ഗിയര്ബോക്സാണ് ഇടംപിടിക്കുന്നത്. ഹൈ-ടെന്സൈല് സ്റ്റീല് ഡയമണ്ട് ഫ്രെയമില് ഒരുങ്ങിയ കവസാക്കി വള്ക്കന് S ന്റെ ഭാരം 235 കിലോഗ്രാമാണ്. വള്ക്കന് എസിന് ലഭിച്ച അലോയ് വീലുകളും, ഓഫ്-സെറ്റ് റിയര് മോണോഷോക്കും മോഡലിന് സ്പോര്ടി പരിവേഷം സമ്മാനിക്കും.
താഴ്ന്നിറങ്ങിയ ആകാരത്തിലാണ് കവസാക്കി വള്ക്കന് S -ന്റെ വരവ്. ഉയരത്തിന് അനുസരിച്ച് വള്ക്കന് S -ന്റെ ഹാന്ഡിലും, ഫൂട്ട്പെഗുകളും സീറ്റും ക്രമീകരിക്കാന് റൈഡര്മാര്ക്ക് സാധിക്കും. എര്ഗോ ഫിറ്റെന്നാണ് ഈ ഫീച്ചറിന് കവസാക്കി നല്കിയിരിക്കുന്ന പേര്. 300 mm ഡിസ്ക് മോട്ടോര്സൈക്കിളിന്റെ ഫ്രണ്ട് ടയറില് ഇടംപിടിക്കുമ്പോള് 250 mm ഡിസ്കാണ് പിന്ടയറില് ബ്രേക്കിംഗ് ഒരുക്കുന്നത്. എബിഎസ് സ്റ്റാന്ഡേര്ഡ് ഫീച്ചറാണ്. 14 ലിറ്ററാണ് വള്ക്കന് S -ന്റെ ഫ്യുവല്ടാങ്ക് കപ്പാസിറ്റി.