കാസര്‍ഗോഡ് : കാസര്‍ഗോഡ് ജില്ലയില്‍ വീണ്ടും എച്ച്1 എന്‍1 രോഗബാധ സ്ഥിരീകരിച്ചു. പരവനടുക്കം വൃദ്ധസദനത്തിലെ 2 അന്തേവാസികള്‍ക്കും 2 ജീവനക്കാര്‍ക്കുമാണ് രോഗം സ്ഥരീകരിച്ചിരിക്കുന്നത്. ഇതേ തുടര്‍ന്ന് ജില്ലയിലുടനീളം ജാഗ്രത നിര്‍ദ്ദേശം നല്‍കി.
ലക്ഷണങ്ങള്‍ ശ്രദ്ധയില്‍പ്പെട്ടതിനെ തുടര്‍ന്ന് രണ്ടു ദിവസം മുന്‍പ് ജില്ലാശുപത്രിയില്‍ നിന്നെത്തിയ വിദ്ഗ്ധ സംഘം 5 പേരുടെ ആന്തരിക സ്രവങ്ങള്‍ പരിശോധനയ്ക്ക് മണിപ്പാലിലേക്ക് അയച്ചിരുന്നു. ഇതില്‍ നാലു പേര്‍ക്കാണ് ഇന്നലെ വൈകീട്ടോടെ എച്ച് വണ്‍ എന്‍ വണ്‍ സ്ഥിരീകരിച്ചിരിക്കുന്നത്.
