തൃശൂര്: കരുവന്നൂര് സഹകരണ ബാങ്ക് തട്ടിപ്പു കേസില് സിപിഐഎം നേതാക്കളുടെ പങ്ക് അന്വേഷിക്കണമെന്നാവശ്യപ്പെട്ട് ബിജെപി സമരരംഗത്തേക്ക്. നാളെ ബിജെപി സംസ്ഥാന പ്രസിഡന്റ് കെ.സുരേന്ദ്രനും മറ്റന്നാള് യുവ മോര്ച്ച സെക്രട്ടറിയും സമരത്തിന് നേതൃത്വം നല്കും.
ഇതിനിടെ മന്ത്രി ആര് ബിന്ദുവിന് തെരഞ്ഞെടുപ്പ് ഫണ്ട് വന്നതിലും അന്വേഷണം വേണമെന്ന ആവശ്യവും ബി ജെ പി മുന്നോട്ട് വെയ്ക്കുന്നുണ്ട്. വിഷയത്തില് കൈവശമുള്ള തെളിവുകള് ഇഡിക്ക് കൈമാറുമെന്ന് ബിജെപി സംസ്ഥാന സെക്രട്ടറി എ നാഗേഷ് പറഞ്ഞു.
അതേസമയം, കോണ്ഗ്രസും ഇതുസംബന്ധിച്ച് നിരവധി ആരോപണങ്ങള് തെളിവുകള് സഹിതം ഉന്നയിച്ചിരുന്നു. മുന് ബാങ്ക് മാനേജര് ബിജു കരിം, കമ്മീഷന് ഏജന്റ് ബിജോയ് എന്നിവര് മുഖേന കമ്മിഷന് നിരക്കിലാണ് വന്കിട ലോണുകള് നല്കിയതെന്നും തേക്കടിയിലെ റിസോര്ട്ടിനായാണ് പണം ശേഖരിച്ചതെന്നുമാണ് ആരോപണം. ബാങ്കില് നിന്ന് ഈടില്ലാതെയും വ്യാജ ഈട് നല്കിയതും വന്കിട ലോണുകള് നല്കിയത് കമ്മിഷന് കൈപ്പറ്റിയാണെന്നാണ് ബിജെപി ആരോപിക്കുന്നത്.